Акафист преподобномученику Серафиму, Архимандриту Жировицкому

Кондак 1

Избранный молитвенниче Белорусския земли, обители Жировицкия новый покровителю, ревностный Евангелия проповедниче и славный страстотерпче, похвальное пение приносим ти, отче Серафиме! Ты же, яко имеяй дерзновение ко Господу, поспеши на помощь, нам верою тя призывающим и вопиющим: Радуйся, преподобномучениче Серафиме, молнитвенниче о душах наших.

Икос 1

Ангелов Творец избра тя, отче, да житием твоим прославиши имя Всесвятыя Троицы. Мы же, взирая на подвиги и мученическую кончину твою, со умилением поем ти таковая:

Радуйся, измлада Христа возлюбивый,

Радуйся, за Него душу свою положивый.

Радуйся, избранный сосуде благодати Божия,

Радуйся, Ангелов достойный сожителю.

Радуйся, родителей добронравных Романа и Елены сыне благочестивый,

Радуйся, земли Белорусския духовное сокровище.

Радуйся, обители Жировицкия славо и украшение,

Радуйся, древней Ляховщины упование и ограждение.

Радуйся, преподобномучениче Серафиме,

молитвенниче о душах наших.

Кондак 2

Видя Господь чистоту сердца твоего, всели тя во обитель Жировицкую, идеже пред чудотворным образом Матери Его непрестанно взывал еси: Аллилуиа.

Икос 2

Разум имеяй от Бога просвещенный, избрал еси путь равноангельнаго жития и был еси воистину монах честнейший, отрешивыйся мира суетнаго. Мы же, подражати ти дерзающе, вопием сице:

Радуйся, издетска церковь Подлесскую возлюбивый,

Радуйся, от юности тесный путь иноческий избравый.

Радуйся, в кротости и смирении покой душевный обретый,

Радуйся, истинное послушание явивый.

Радуйся во иночестве имя огненное восприявый,

Радуйся, любовию ко Господу пламеневый.

Радуйся, веру твердую чрез Подлесский чудотворный образ Божией Матери укрепивый,

Радуйся, преподобномучениче Серафиме,

молитвенниче о душах наших.

Кондак 3

Силою Божиею укрепляемый, отче Серафиме, вся послу­шания монашеския добре проходил еси, и добродетели стя­жал еси, приносяй Богу хвалебную песнь: Аллилуиа.

Икос 3

Имеяй любовь к благолепию службы церковныя, усердно возносил еси славословия Богу, отче Серафиме. Научи и нас, подражая ангелом, воспевати тебе таковая:

Радуйся, благочиния церковного строгий блюстителю,

Радуйся, псалмопения Божественнаго смиренный учителю.

Радуйся, свеща, пред Престолом Божиим возженная,

Радуйся, научаяй и нас со усердием славословити Творца.

Радуйся, пред образом Богородицы возносивый благоговейная моления,

Радуйся, выну прибегавый под Ея благодатный покров.

Радуйся, николиже лишенный Ея предстательства,

Радуйся, и нас подвизаяй со уповднием Ей молитися.

Радуйся, преподобномучениче Серафиме,

молитвенниче о душах наших.

Кондак 4

Бурю помышлений побеждая благодатию Божиею, постом и молитвою на страсти плотския вооружился еси, и, тех избегнув, благодарственне вопиял еси Господеви: Аллилуия.

Икос 4

Имеяй чистое желание благоугодити Богу и Тому Едино­му служити, поставлен был еси пастырем Церкви Христо­вой, да многия ко спасению приведеши. Мы же с любовию тебе глаголем:

Радуйся, пастырю, Богом избранный,

Радуйся, благодати Духа Святаго исполненный.

Радуйся, заповеди Божия в сердце своем начертавый,

Радуйся, им же и паству свою научивый.

Радуйся, благочестия неленостный наставниче,

Радуйся, делателю винограда Христова усердный.

Радуйся, о спасении ближних ревновавый,

Радуйся, в Царствие Невесное многим путь указавый.

Радуйся, преподобномучениче Серафиме,

молитвенниче о душах наших.

Кондак 5

Боготечней звезде уподобился еси, отче Серафиме, путь в Горняя указующей, и завет Пастыреначальника исполнив, да ни едина от овец погибнет, научил еси всех присно молитися ко Господу: Аллилуиа.

Икос 5

Промыслом Божиим, святый отче, уготовася ти крест про­поведничества, дабы людем, изнемогающим от гонений безбожников и насилий иноплеменников, будеши путевождь ко спасению. Сего ради приими от нас сицевая:

Радуйся, апостольских подвигов подражателю,

Радуйся, веры православныя ревнителю.

Радуйся, проповедниче Слова Божия неутомимый,

Радуйся, свет Христов Белорусскому краю паки явивый.

Радуйся, все тяготы апостольскаго служения восприявый,

Радуйся, добрый плод Господеви принесый.

Радуйся, немощныя души упованием на Господа укрепивый,

Радуйся, все горести жития молитвою услаждати научивый.

Радуйся, преподобномучениче Серафиме,

молитвенниче о душах наших.

Кондак 6

Проповедуя Евангелие в годину лютую, купно со иереем Григорием, другом твоим и сподвижником, устроял еси хра­мы во градех и весех, наставляя всех верных с сокрушени­ем сердца вопити Богу: Аллилуиа.

Икос 6

Возсиял еси стране нашей яко новое светило, водворяя в души скорбныя мир Христов, да возмогут людие во вся дни Хвалу Богу возносити. О сем радуяся, воспеваем Ти:

Радуйся, столпе веры апостольския,

Радуйся, светильниче Православия.

Радуйся, храмов Божиих насадителю,

Радуйся, душу свою храмом Бога Живаго соделавый.

Радуйся, овцы заблудшия ко Христу призывавый,

Радуйся, многия от погибели исхитивый.

Радуйся, свет Христов во тьме и сени смертней седящим,

Радуйся, яко тобою Церковь Белорусская благоукрасися.

Радуйся, преподобномучениче Серафиме,

молитвенниче о душах наших.

Кондак 7

Хотяй веру Христову в земли нашей утвердити, не убоялся еси ни попирающих Святую Церковь, ни тяготы стран­ствия. Обаче, благодатию Божией укрепляемь, вся злострадания с радостию понесл еси, воспевая благих Подателю Богу: Аллилуиа.

Икос 7

Дивное чудо яви Господь, егда ти, на одре Болезни лежащу, слышася небесный глас, повелевый немедля покинути одр свой. Повинуяся сему, отче, не токмо смерти избавися, но и исцеление от недуг приял еси. Мы же, дивящеся тако­вому промышлению о теве, зовем:

Радуйся, заступничеством Божия Матери огражденный,

Радуйся, на всех путех твоих ангелом сохраненный.

Радуйся, все упование свое на Господа возложивый,

Радуйся, николиже во уповании своем посрамленный.

Радуйся, всем житием твоим Богу послуживый,

Радуйся, исполнения волн Его паче всего возжелавый.

Радуйся, добродетельным житием твоим многия ко спа­сению наставивый,

Радуйся, яко и о нашем спасении присно Бога умоляеши.

Радуйся, преподобномучениче Серафиме,

молитвенниче о душах наших.

Кондак 8

Странником и пришельцем в мире сем был еси, взыскую­щим града Небеснаго, отче Серафиме, и со тщанием испол­нял еси заповедь Божию, собирая севе нетленное сокровище на Небесех, идеже ныне пребываеши, воспевая ангельскую песнь: Аллилуиа.

Икос 8

Мужественный исповедник веры явился еси, блаженне Серафиме, пред обвинявшими тя в предательстве Отече­ства своего. Ты же кротко отвеща, яко николиже изменник был еси. Мы же, прославляя подвиги твоя, глаголем сице:

Радуйся, поношения ради Христа претерпети сподобивыйся,

Радуйся, кротости Его подражавый,

Радуйся, наследие у Бога получивый,

Радуйся, изгнанием правды ради Царство Небесное стяжавый.

Радуйся, верность свою исповедничеством показавый,

Радуйся, любовь ко Отечеству подвиги своими явивый.

Радуйся, выну просивый милости у Бога соплеменником своим,

Радуйся, яко и ныне твоими молитвами Господь нас ми­лует.

Радуйся, преподобномучениче Серафиме,

молитвенниче о душах наших.

Кондак 9

Всякое естество ангельское удивися мужеству твоему, отче Серафиме, яко в заточении и изгнании сущи дерзно­венно проповедал Слово Божие и молитвенно взывал еси ук­репляющему тя Господу: Аллилуиа.

Икос 9

Ветии многовещанныя высоту подвига твоего изрещи не могуще, яко в злостраданиих дивное терпение явил еси и како веровати Богу, рекшему: Яко и власи главы вашея со­чтены суть, научил еси, все упование на Него токмо возла­гая. Мы же, недостойнии, похвалу приносим ти таковую:

Радуйся, Православия мужественный исповедниче,

Радуйся, истинный воин Христов.

Радуйся, безчисленныя мучения претерпевый,

Радуйся, страдания нивочтоже вменивый.

Радуйся, терпением своим мучителей посрамивый,

Радуйся, в подвизе силу Божию явивый.

Радуйся, яко упованием на Бога укреплялся еси,

Радуйся, якоже и нас тому научаеши.

Радуйся, преподобномучениче Серафиме,

молитвенниче о душах наших.

Кондак 10

Спасти хотя душу свою, блаженне Серафиме, презрел еси страдания, памятуя слова Апостола, яко ни скорбь, ни теснота, ни гонение, ни смерть не возмогут нас рдзлучити от любве Божия, еюже ныне наслаждаешися и поеши: Аллилуия.

Икос 10

Стенд еси, отче, всем, чтущим святую память твою и к твоему молитвенному заступлению прибегающим; иноком же благоподвизающимся во святей обители Жнровицстей и учащимся еси наставник ко спасению и поборник в брани духовной. Сего ради чада твоя воспевают ти таковая:

Радуйся, обители Жировицкия и школы духовныя Богом данный покровителю,

Радуйся, иноков добрый наставниче.

Радуйся, образе истин наго послушания,

Радуйся, во бранен противу мира, плоти и диавола верный помощниче.

Радуйся, Крестом Христовым вооруживыйся,

Радуйся, заступничеством Божией Матери заручивыйся.

Радуйся, добре подвиг совершивый и веру сохранивый,

Радуйся, обители Небесныя удостоивыйся.

Радуйся, преподобномучениче Серафиме,

молитвенниче о душах наших.

Кондак 11

Пение умиленное приносим ти, отче Серафиме, чтуще святую память твою, и, взирающе на подвиги твоя, поем дивному во святых Своих Вседержителю Богу: Аллилуиа.

Икос 11

Свет Небесный возсия ти, отче, егда, Сама Владычица мира явися ти со великомученицами Варварою и Анастасиею, укрепляя тя в темнице суща. Мы же, слышаще о таковом попечении о тебе Богородицы, со умилением взы­ваем:

Радуйся, за Благовестие Христово претерпевый сугубыя мучения,

Радуйся, в студеную воду мучителями вверженный.

Радуйся, обрадованный явлением Богоматери,

Радуйся, приемый от Нея крины Небесныя.

Радуйся, сподобивыйся жизнь свою за Христа положити,

Радуйся, яко тем наследовал еси жизнь вечную.

Радуйся, страстотерпцев изрядная похвало,

Радуйся, исповедников благое украшение.

Радуйся, преподобномучениче Серафиме,

молитвенниче о душах наших.

Кондак 12

Божественныя благодати сокровища унаследовал еси, отче наш Серафиме, и во обители Небесныя вселился еси. Див­ным же Промыслом Божиим в лице новомучеников прослав­лен и ко святым сопричтен еси, с нимиже присно поеши Богу: Аллилуиа.

Икос 12

Торжествует обитель Жировицкая и с нею вся земля Белорусская, поющи твое прославление, Серафиме прехвальне, и светло совершающи память твою. Мы же, чада цер­ковная, на предстательство твое у Престола Владычня уповающе, тако к тебе зовем:

Радуйся, яко дивным Промыслом Божиим подвиг твой миру явися,

Радуйся, яко и твоею кровию Церковь Христова украсися.

Радуйся, в лице новых исповедников и страстотерпцев прославленный,

Радуйся, к сонму святых сопричтенный.

Радуйся, яко ныне зриши славу Божию,

Радуйся, яко достигл еси нескончаемыя радости.

Радуйся, яко молишися о всех призывающих тя на по­мощь,

Радуйся, яко пред Престолом Творца ходатайствуеши о нашем спасении.

Радуйся, преподобномучениче Серафиме,

молитвенниче о душах наших.

Кондак 13

О святый отче Серафиме, мужественный страстотерпче и крепкий наш заступниче! Нынешнее приими приношение и умоли Господа Иисуса Христа, избавитися нам от всякаго зла и, покаянием очистившимся, достигнути Царствия Небеснаго и тамо со всеми святыми пети Богу: Аллилуия! Аллилуия! Аллилуия!

 (Этот кондак читается трижды. Далее икос 1-й и кондак 1-й).

Молитва первая

О, святый преподобномучениче отче наш Серафиме! К тебе смиренно припадаем и усердно просим: приими наше моление и испроси нам у Вседержителя Бога оставление гре­хов и прегрешений наших, истинное покаяние и исправление жизни даруя; низпосли на ны вся благопотребная душам и телесем нашим, укрепи нас, немощных, в добродетелех, да прочее время жизни нашея усердно поработаем Господу. Да твоим предстательством и милосердием Владыки сподобимся кончины мирныя и достигнем нескончаемыя радости во обителех Отца Небеснаго. Емуже подобает слава, честь и по­клонение во веки веков. Аминь.

Молитва вторая

О пречудный угодниче Христов, святый преподобномучениче Серафиме, обители Жировицкия похвало и Церкве Белорусския украшение! Приими сие малое моление от нас, грешных и обремененных страстьми многими, но к твоему теплому предстательству усердно прибегающих.

Испроси у Всещедраго Бога Церкви Святей, Соборней и Апостольстей, мир и тишину, всяких соблазнов, ересей и расколов непричастныя, архипастырем и пастырем мудрость и ревность к славе Божией, иночествующим в подвизех послушания, молитвы и поста укрепление, учащим и учащимся в богомыслии деятельное возрастание и всем чадом цер­ковным в вере и благочестии преуспеяние.

Страну нашу, грады и веси ея, ихже прошел еси в годину тяжких испытаний, охрани молитвами твоими от огня, по­топа, труса, глада, смертоносныя язвы, вражескаго наше­ствия и внутренних нестроений.

О исповедниче Христов! Яко имеяй дерзновение к Божией Матери, от лет древних весь Жировицкую в удел Себе избравшую, молися прилежно к Небесной Игумении нашей, да сохранит обитель сию невредиму от всех навет вражиих даже до скончания века.

Егда же приспеет час кончины нашея, помози нам в твер­дости духа и чистой совести предстати пред Господем и, сподобившися деснаго предстояния со всеми святыми, убелившими ризы своя в Крови Агнчей, новую песнь воспети в Троице славимому Богу, Отцу и Сыну и Святому Духу, во веки веков. Аминь.